Sinopse

A través deste espazo viaxamos por todo o territorio español para contar as historias dos galegos e galegas que traballan e desenvolven a súa vida noutros lugares.

Os protagonistas son homes e mulleres, mozos e vellos, xente anónima e de fama, urbáns e rurais, expertos no lugar e recén chegados. Da súa man o equipo do programa irá aos sitios máis auténticos e fará o que é máis propio do lugar, mentres vai sabendo da súa vida, do seu traballo, da súa familia, o que os levou alí, o que lles fixo quedar, o que a súa nova terra lles deu e o que eles achegaron desde Galicia. Os espectadores ven o territorio cos seus ollos, tan distintos aos do turista ou do viaxeiro ocasional.

“ADN Galego” buscará tamén en cada programa contar a pegada histórica que deixaron os galegos nos seus lugares de acollida e a repercusión social que tiveron ao longo dos anos.