Sinopse

O 1 de xuño de 1943 un escuadrón de JU-88 alemáns derriba un avión comercial fronte á costa de Cedeira. Non hai superviventes. Entre os pasaxeiros aparece un nome ilustre, Leslie Howard. Fálase de que era xudeu, de que era un propagandista antinazi ou de que era un galán da industria de Hollywood, mais a miúdo a historia escríbese con fragmentos do que xa foi esquecido. Este é o relato da historia que puido ser, ou quizais non, a travesía da última viaxe de Leslie Howard.