Sinopse

“O país máis grande do mundo” é un talk show no que o presentador Rodrigo Vázquez, canda as súas colaboradoras, Aida Bao, Elena Mareque e Olalla Vaamonde, percorren o planeta buscando protagonistas para o programa. Eles contarán as historias sobre como é vivir lonxe de Galicia e a través das diferentes seccións, como a carta, os sucesores, a foto ou a sorpresa, adentrámonos na vida dos nosos protagonistas, das súas experiencias e das súas familias. Asistiremos ademais a reencontros familiares: esta será a oportunidade para unha xeración de descendentes de coñecer de primeira man as historias e lugares que ata agora só coñecían a través dos relatos dos seus maiores.